9-тамыз 2022 жылы Ақтөбе автожол колледжінің базасында «Worldskills стандарттарын «Жас Маман» жобасын жүзеге асыру мен оқу үдерісінде қолданудың тиімділігі» тақырыбында «Еңбек нарығы және кәсіптік білім: жаңа мүмкіндіктер» техникалық және кәсіптік білім беру педагогтеріне арналған Республикалық тамыз конференциясының практикалық бөлімі өтті.
Мақсаты: Білім беру процесіне инновациялық тәжірибені енгізу, болашақ мамандардың кәсібилігін арттыру мақсатында іскерлік байланыстар орнату, білім саласының маңызды аспектілері бойынша тәжірибе мен пікір алмасу
Республикалық тамыз конференциясының практикалық бөліміне Маңғыстау, Атырау, Батыс-Қазақстан, Қызылорда облыстарынан келген қонақтар мен Шалқар ауданынан келген әріптестеріміз қатысты.
Секциялық жұмыс «Демонстрациялық алаң» түрінде: «WorldSkills стандарты негізінде құзыреттіліктер бойынша әдістемелік жинақтар», Полиграфиялық және орау өндірісінің технологиясы» мамандығы бойынша оқу тәжірибесінде жасалған жұмыстарының көрмесі және «Жас маман» жобасы аясында алынған заманауи құрал-жабдықтармен шебер кластар көрсетілді.
"Ақтөбе автожол колледжі" МКҚК Алматы қаласында орналасқан «EV CARS KAZAKHSTAN» ЖШС-нің бас директоры Алексей Сергеевич Красниковпен әлеуметтік серіктестік туралы Меморандумға қол қойды. Мақсаты: «Автомобиль көлігіне техникалық қызмет көрсету, жөндеу және пайдалану», " Электромеханикалық жабдықтарға техникалық қызмет көрсету, жөндеу және пайдалану" мамандықтары бойынша оқу процесінде алынған білімді бекіту, тереңдету және білікті кадрларды даярлау тиімділігін арттыру.
«Worldskills Kazakhstan - 2021» VІ республикалық кәсіби шеберлік чемпионатының "Жеңіл автомобильдерді жөндеу және қызмет көрсету» құзыреттілігі бойынша алтын жүлдегері Құрмаш Рустем WorldSkills халықаралық чемпионатына үздіксіз дайындық жүргізуде. Қазіргі таңда Алматы қаласында орналасқан колледжіміздің әлеуметтік серіктесі «EV CARS KAZAKHSTAN» ЖШС-нің бас директоры Алексей Сергеевич Красниковтың басшылығымен "Tesla электромобиль көліктеріне техникалық қызмет көрсету" бойынша дайындық жүргізілуде.