Құрметті ұстаздар! Қымбатты студенттер, ата - аналар және барша қазақстандықтар! Сіздерді бүгінгі жарқын да қуанышты, мереке – Білім күнімен құттықтаймыз!
1 қыркүйек барша халықтың көптен күтетін мерекесі!
Бұл мереке кейбір азаматтардың мектеп қабырғасын, колледж және жоғары оқу орындарына барған күндерін еске түсірсе, жас мұғалімдердің алғашқы жұмыс күні әсері мен толғанысын айғақтайтын ұмытылмас сәттерімен есте қалады. Баршаңызды бүгінгі Білім күнімен және жаңа оқу жылының басталуымен шын жүректен құттықтаймыз. Сіздерге бүгінгі ерекше, жайма шуақ күні жақсы көңіл күй, жаңа жетістіктер мен ашылуларға ұдайы ізденіс, шығармашылық табыс, мықты денсаулық және жаңа бастамаларда тек қана сәттілік тілейміз!

15-тамыз 2022 жылы Нұр-Сұлтан қаласында Қазақстан Республикасының Оқу-ағарту министрі Асхат Қанатұлы Аймағамбетовтың қатысумен өткен білім беру көшбасшыларының республикалық тамыз форумы шеңберінде «ЕҢБЕК НАРЫҒЫ ЖӘНЕ КӘСІПТІК БІЛІМ: ЖАҢА МҮМКІНДІКТЕР» панельдік секциясында Ақтөбе автожол колледжінің 2022 жылғы түлегі, 2021 жылы Қостанай қаласында өткен «WorldSkills Kazakstan» республикалық кәсіби шеберлік чемпионатының «Жеңіл автомобильдерді жөндеу және қызмет көрсету» құзыреттілігі бойынша жеңімпазы Құрмаш Рүстем Темірханұлы "WorldSkills – ел жастарының кәсіби дамуы үшін мүмкіндік" тақырыбында баяндама оқыды. Панельдік секциядан кейін Асхат Қанатұлы Рүстеммен жеке кездесіп, Ақ жол тіледі!